MAKKA, 28-aprel. /"Dunyo" AA/. Islom olamining qoq markazi – Makka shahridagi al-Haram masjidi hududidagi nafaqat gastronomik diqqatga sazovor joy, balki madaniyat markaziga aylangan birinchi o'zbek restorani muvaffaqiyatli faoliyat ko'rsatmoqda, deb xabar qilmoqda "Dunyo" AA muxbiri.

Mashhur "The Clock Tower" majmuasining 3-qavatida joylashgan restoran har kuni dunyoning turli burchaklaridan yuzlab ziyoratchilar va sayyohlarni qabul qiladi. Yurtimizning Saudiya Arabistoni elchixonasi va Jidda shahridagi Bosh konsulxonasi tomonidan qo'llab-quvvatlangan tashabbus doirasida restoranda O'zbekistonning qadimiy shaharlari, me'moriy obidalari, tabiiy go'zalligi va madaniy merosi haqida hikoya qiluvchi videoroliklar namoyishi yo'lga qo'yildi.

Loyiha madaniy aloqalarni mustahkamlashga yordam beradi va O'zbekistonga eng mehmondo'st va tarixiy jihatdan boy manzillardan biri sifatida qiziqishni oshiradi.

Endilikda restoran mehmonlari nafaqat asl o'zbek taomlarini tatib ko'rishlari, balki O'zbekistonning boy sayyohlik salohiyati bilan ham maxsus videoroliklar orqali tanishishlari mumkin.