Misr delegatsiyasi Samarqandda bo'lib o'tadigan Imom Moturidiy merosiga bag'ishlangan xalqaro anjumanda ishtirok etadi
Aprel 25, 2025. 16:33 • 41 soniya
• 99
QOHIRA, 25-aprel. /"Dunyo" AA/. Joriy yilning 29-30-aprel kunlari Samarqand shahrida "Moturidiylik – bag'rikenglik, moʻtadillik va ma'rifat ta'limoti" mavzusida xalqaro ilmiy-amaliy anjuman bo'lib o'tadi, deb xabar qilmoqda "Dunyo" AA muxbiri.
O'zbekistonning Qohiradagi elchixonasi ma'lumotiga ko'ra, mazkur xalqaro tadbirda Misr vakillari faol ishtirok etadi.
Xususan, Misr vaqf ishlari vaziri Usoma al-Azhariy, Bosh muftiy Nazir Ayyod va Al-Azhar Ulamolar kengashi a'zosi Ali Jum'a Samarqand shahriga kelishi rejalashtirilgan.
Misr rasmiy vakillarining tashrifi yurtimizning xalqaro miqyosda nufuzi oshib borayotgani, so'nggi yillarda O'zbekiston-Misr hamkorligi barcha sohalarda rivojlanayotgan bir davrda, ma'rifiy sohadagi o'zaro muloqot ham do'stona ruhda amalga oshirilayotganining yaqqol isbotidir.
Ta'kidlash joizki, mamlakatimizda diniy-ma'rifiy sohada olib borilayotgan keng ko'lamli islohotlar jamiyat taraqqiyoti va farovonligi, millatlararo va dinlararo o'zaro bag'rikenglik va totuvlikni ta'minlashda muhim ahamiyat kasb etmoqda.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Oʻzbekiston delegatsiyasi ayollar muloqoti forumida ishtirok etdi
"Europa Press": Ispaniya va O'zbekiston qishloq xo'jaligi sohasida memorandum imzoladi
O'zbek milliy qadriyatlari "Charity Bazaar" xayriya festivalida e'tirof etildi