TOSHKENT, 3-iyul. / "Dunyo" AA/. So'nggi 5 oy ichida O'zbekistonga qiymati 325,3 million dollarlik yengil avtomobil import qilindi, deb xabar qilmoqda "Dunyo" AA muxbiri.

Statistika qo'mitasi ma'lumotlariga ko'ra, 2025-yilning yanvar-may oylarida mamlakatga 18387 ta yengil avtomobil olib kirilgan bo'lib, ulardan 9789 tasini elektromobillar tashkil etadi.

Ushbu davrda O'zbekistonga avtomobil yetkazib berish bo'yicha yetakchi davlatlar quyidagilar bo'ldi:

Xitoy – 15873 dona;

Koreya Respublikasi – 1882 dona;

Hindiston– 168 dona;

Yaponiya – 122 dona;

AQSh – 82 dona;

boshqa davlatlar – 260 dona.

Shuningdek, 2025-yilning o'tgan besh oyi davomida O'zbekistonda jami 153 814 dona turli rusumdagi yengil avtomobillar (maxsus yengil avtomobillardan tashqari) ishlab chiqarilgan.

Milliy statistika qo'mitasi saytidan olingan surat