AMMON, 18-sentabr. /"Dunyo" AA/. Iordaniyaning "Ammon News" gazetasi saytida "O'zbekiston ijtimoiy himoya tizimini mustahkamlamoqda: inklyuziv rivojlanish modeli" sarlavhali maqola e'lon qilindi, deb xabar qilmoqda "Dunyo" AA muxbiri.

Nashrda ta'kidlanishicha, har bir fuqaroning ijtimoiy himoya va yuqori sifatli xizmatlardan foydalanish huquqini ta'minlash ko'plab mamlakatlar uchun muammo bo'lib qolmoqda. Bugungi kunda barqarorlik, farovonlik va inklyuziv o'sishni mustahkamlashda xalqaro standartlarga muvofiq har tomonlama ijtimoiy qo'llab-quvvatlash har qachongidan ham muhim ahamiyatga ega.

"O'zbekiston buni o'zining ustuvor vazifalaridan biriga aylantirdi. O'zini ijtimoiy davlat deb e'lon qilgan O'zbekiston o'z aholisini har tomonlama himoya qilishni milliy siyosat markaziga qo'ydi. "Kambag'allikdan farovonlik sari" dasturining yetakchi tashabbusi allaqachon ajoyib natijalarga erishdi: so'nggi sakkiz yil ichida 7 million kishi kambag'allikdan qutulib, kambag'allik darajasini 35 foizdan 8,9 foizga tushirdi. Hukumat joriy yil oxirigacha bu ko'rsatkichni yana 6 foizga kamaytirishni maqsad qilgan", – deb ta'kidlangan materialda.

O'zbekiston Prezidenti Shavkat Mirziyoyev Parlamentlararo Ittifoqning Toshkentda bo'lib o'tgan 150-Assambleyasida so'zlagan nutqida barcha fuqarolarning asosiy huquqlaridan biri sifatida ijtimoiy himoya muhimligini ta'kidladi. Shuningdek, mamlakat ijtimoiy xizmatlarni xalqaro standartlar va me'yorlarga muvofiqlashtirish, fuqarolarning har tomonlama va sifatli qo'llab-quvvatlashdan foydalanishini ta'minlash borasidagi intilishlari qayd etildi.

Maqola "O'zbekiston ushbu tashabbuslar bilan ijtimoiy himoya nafaqat maishiy ehtiyoj, balki inklyuziv o'sish va inson taraqqiyoti bo'yicha xalqaro muloqotga qo'shayotgan hissaning asosiy elementi ekanligini namoyish etmoqda", – degan so'zlar bilan yakunlandi.