TOSHKENT, 9-sentyabr. /"Dunyo" AA/. Bugun poytaxtimizdagi "O'zekspomarkaz" MKK pavilyonlarida "Global Textile Days" – O'zbekiston to'qimachilik haftaligi va "Iteca Exhibitions" kompaniyasining 30-yubiley ko'rgazma mavsumining kuzgi qismi ochildi, deb xabar qilmoqda "Dunyo" AA muxbiri.

Erta tongdan "O'zekspomarkaz" pavilyonlarida bayramona muhit hukm surmoqda. Yuzlab ishtirokchilar va mehmonlar ko'rgazma zallaridagi eksponatlar bilan tanishmoqda va ilk taassurotlari bilan almashmoqda.

Haftalik quyidagi tadbirlarni o'z ichiga oladi:

- To'qimachilik uskunalari va texnologiyalari – CAITME 2025» 16-Markaziy Osiyo Xalqaro ko'rgazmasi;

- To'qimachilik va Tikuvchilik Sanoati– TextileExpo Uzbekistan Kuz 2025" 25-Yubiley Xalqaro ko'rgazmasi;

- Tadbirlarga boy biznes dasturi, V2V uchrashuvlari va taqdimotlar.

Birlashgan ekspozitsiyasida quyidagi 22 davlatdan 250 dan ortiq kompaniya va brendlar o'rin olgan: Avstriya, AQSh, BAA, Belarus Respublikasi, Belgiya, Buyuk Britaniya, Germaniya, Gretsiya, Daniya, Italiya, Koreya Respublikasi, Portugaliya, Rossiya, Turkiya, Xitoy, Chexiya, Shveysariya, Yaponiya, O'zbekiston, Qozog'iston, Hindiston.

Ishtirokchilar ta'kidiga ko'ra, O'zbekiston to'qimachilik va moda sanoatining Markaziy Osiyo xabi maqomini mustahkamlamoqda. 200 million dollarlik jamg'armaga ega Yengil sanoatni rivojlantirish agentligining tashkil etilishi va Prezident tomonidan sohani qo'llab-quvvatlash bo'yicha "Dolzarb 100 kunlik" e'lon qilinishi tufayli global savdo va logistika muammolarini yengib o'tmoqda. To'qimachilik biznesi hamjamiyatining ishlab chiqarishni diversifikatsiya qilish borasidagi sa'y-harakatlari bilan birga, bu qadamlar ishlab chiqarishni modernizatsiya qilish, eksportni kengaytirish, Yevropa va AQSh bozorlarida o'z o'rnini egallashga qaratilgan.

"CAITME" platformasi iqtisodiyotning eng muhim va eksportga yo'naltirilgan tarmoqlaridan biri, to'qimachilik va tikuv-trikotaj sanoati uchun uskunalar ishlab chiqarish sohasidagi asosiy milliy ko'rgazma loyihasi bo'lib, mintaqadagi noyob xalqaro texnologiyalar ko'rgazmasidir. Butunjahon ko'rgazma sanoati assotsiatsiyasi (UFI) tomonidan o'tkazilgan mustaqil audit natijalariga ko'ra, ko'rgazma MDH mamlakatlaridagi shunga o'xshash tadbirlar orasida birinchi o'rinni egallaydi va Yevroosiyo qit'asida ikkinchi o'rinda turadi.

Tadbir an'anaviy tarzda Markaziy Osiyo davlatlaridan yetakchi vazirliklar, idoralar, xorijiy kompaniyalar vakillari va professional xaridorlarni birlashtirdi. Pavilyonlarda ekspert delegatsiyalari ishlamoqda, investorlar, diplomatlar va xalqaro tashkilotlar bilan uchrashuvlar o'tkazilmoqda.

Ishtirokchilarning fikricha, ko'rgazma nafaqat eng yangi texnologiyalar va uskunalar namoyishi, balki hamkorlik, qo'shma ishlab chiqarish va sarmoya kiritish imkoniyatlarini ko'rib chiqayotgan to'qimachilik injiniringi bo'yicha jahon yetakchilari uchun O'zbekiston bozoriga muhim kirish nuqtasi bo'lib qolmoqda.