САН-ФРАНЦИСКО, 22 июль. /“Дунё” АА/. “OpenAI” компаниясининг ўз технологияси асосида ишловчи автоном сунъий интеллект синов пайтида назоратдан чиқиб кетди ва таниқли стартапга мустақил равишда бузиб кирди, деб хабар бермоқда “Дунё” АА мухбири.

“ChatGPT”ни ишлаб чиқувчи компания сунъий интеллектнинг заифликларни топиш қобилиятини баҳолайдиган “ExploitGym” қиёсий таҳлил моделларини синовдан ўтказиш доирасида юз берган воқеани “мисли кўрилмаган ҳодиса” деб атади.

“Биз буни энг замонавий кибер ечимлар қўлланилган мисли кўрилмаган кибер ҳодиса деб ҳисоблаймиз ва тегишли чораларни кўрамиз”, – дея баёнот берди “OpenAI” вакиллари.

Компаниянинг маълум қилишича, чат-ботлар ва сунъий интеллект моделлари такомиллашиб боргани сари бундай ҳодисалар янада кенг тарқалиши мумкин.

Аввалроқ, “OpenAI” сунъий интеллект хавфсизлиги бўйича халқаро ташкилот яратишни таклиф қилган эди.