ЛОНДОН, 23 май. /“Дунё” АА/. АТБ “Алоқабанк” халқаро бозорда илк бор 300 миллион АҚШ доллари миқдоридаги еврооблигацияларни муваффақиятли жойлаштирди, деб хабар бермоқда “Дунё” АА мухбири.

Облигациялар беш йил муддатга, йиллик 7,7 фоизлик купон ставкаси билан чиқарилиб, Лондон фонд биржасида рўйхатга олинди.

Ушбу жойлаштирув халқаро инвесторлар томонидан катта қизиқиш билан кутиб олинди. Буюртмалар ҳажми дастлаб режалаштирилган эмиссия миқдоридан қарийб тўрт баравар кўп бўлди. Бу Ўзбекистон иқтисодиёти ва банк фаолиятига ишонч ортиб бораётганидан далолат беради.

Мазкур битимда “Citibank” етакчи андеррайтер банк сифатида иштирок этди.