ТОШКЕНТ, 9 июль. /"Дунё" АА/. Тбилисида расмий ташриф билан бўлиб турган Ўзбекистон ташқи ишлар вазири Бахтиёр Саидов бугун Грузия иқтисодиёт ва барқарор ривожланиш вазири Мариам Квривишвили билан учрашди, деб хабар қилмоқда "Дунё" АА мухбири.

"Иқтисодиёт ва барқарор ривожланиш вазири Мариам Квривишвили хоним билан Ўзбекистон ва Грузия ўртасидаги иқтисодий ҳамкорлик масалаларини атрофлича муҳокама қилдик,

– деб ёзди Ўзбекистон ТИВ раҳбари ўзининг telegram-каналида. – Сўнгги йилларда мамлакатларимиз ҳар томонлама тараққиётда сезиларли натижалар кўрсатмоқда. Шубҳасиз, томонлар саъй-ҳаракатларни бирлаштириш, саноат корхоналари ўртасидаги алоқаларни янада мустаҳкамлаш, ўзаро маҳсулотларимизни илгари суриш, икки томонлама савдо ва инвестиция оқимларини қўллаб-қувватлаш, саноат кооперациясини ривожлантириш ҳамда транспорт алоқаларини яхшилашдан ўзаро манфаатдор".

"Дунё" АА олган сурат