ТОШКЕНТ, 2 июль. /Дунё" АА/. Ўзбекистон ташқи ишлар вазирининг биринчи ўринбосари Бахромжон Аълоев кеча Ўмон элчиси Вафо ал-Бусаидий билан учрашув ўтказди, деб хабар қилмоқда "Дунё" АА мухбири.

ТИВ хабарига кўра, учрашувда Ўзбекистон ва Ўмон ўртасидаги икки томонлама ҳамкорликнинг истиқболлари, савдо-иқтисодий алоқаларни янада ривожлантириш, шунингдек, маданий-гуманитар соҳадаги алоқаларни фаоллаштириш масалалари муҳокама қилинди.

Шунингдек, жорий йилга мўлжалланган қўшма тадбирлар ва уларнинг кун тартиби юзасидан ҳам фикр алмашилди.

"Дунё" АА олган сурат