ТОШКЕНТ, 1 февраль. /"Дунё" АА /. 30-31 январь кунлари Ўзбекистон Ташқи ишлар вазирлигида Марказий Осиё давлат раҳбарлари Маслаҳат учрашувлари масалалари бўйича Миллий координаторлар кенгашининг биринчи йиғилиши бўлиб ўтди, деб хабар қилмоқда Дунё АА мухбири.

ТИВ маълумотига кўра, тадбирда Ўзбекистон, Қозоғистон, Қирғизистон, Тожикистон ва Туркманистоннинг ташқи сиёсат идоралари вакиллари иштирок этди.

Йиғилишни Ўзбекистон ташқи ишлар вазирининг биринчи ўринбосари Баҳромжон Аълоев очиб берди.

Учрашувда Ўзбекистоннинг 2025 йилда Марказий Осиё давлатлари раҳбарларининг Маслаҳат учрашувида раислик қилиш концепцияси тақдимоти бўлиб ўтди, шунингдек, жорий йилда режалаштирилган қўшма тадбирлар жадвали лойиҳаси муҳокама қилинди.

Томонлар Марказий Осиё давлат раҳбарларининг маслаҳат учрашувлари бўйича Миллий координаторлар кенгашининг Тошкент шаҳрида бўлиб ўтган биринчи йиғилишининг самарадорлигини таъкидладилар.

Музокаралар якунида тадбир иштирокчилари яқин ҳамкорликни давом эттириш ва 2025 йилда Марказий Осиё давлат раҳбарларининг еттинчи Маслаҳатлашув учрашувида Ўзбекистоннинг раислиги доирасида барча режалаштирилган тадбирларни амалга оширишга алоҳида аҳамият бериш зарурлигини таъкидладилар.

"Дунё" АА олган сурат