ТОШКЕНТ, 12 декабрь. /“Дунё” АА/. Кеча Ўзбекистон Президентининг Афғонистон бўйича махсус вакили Исматулла Иргашев Япониянинг JIСА агентлигининг Афғонистондаги ваколатхонасига янги тайинланган раҳбари Сота Тосака билан учрашув ўтказди, деб хабар қилмоқда “Дунё” АА мухбири.

ТИВ маълумотига кўра, мулоқот давомида томонлар Афғонистоннинг ижтимоий-иқтисодий ривожланишига қаратилган қўшма лойиҳаларни амалга ошириш имкониятларини муҳокама қилдилар.

Япония томони Термиз шаҳрида яратилган инфратузилмани юқори баҳолади ва уни Афғонистон халқининг фаровонлигини оширишга қаратилган лойиҳаларни амалга оширишда фойдаланишга қизиқиш билдирди.

 “Дунё” AA олган сурат