БРЮССЕЛЬ, 27 август. /"Дунё" АА/. Европарламент депутатининг сиёсий маслаҳатчиси, "Европа демократик талабалари" (EDS) ташкилоти халқаро котиби Иван Ботучаров "Дунё" АА учун интервьюсида Иордания Подшоҳи Абдулла II ибн ал-Ҳусайннинг 25-26 август кунлари Ўзбекистонга буюрган давлат ташрифи якунларини изоҳлади:

– Ташриф Ўзбекистоннинг Яқин Шарқдаги ҳамкорлари билан алоқаларини чуқурлаштириш, савдо-иқтисодий муносабатларни мустаҳкамлаш, янги истеъмол бозорларини очиш, шунингдек, таълим ва сайёҳлик оқимини кенгайтириш учун ҳамкорлик алоқаларини ўрнатиш учун янги имкониятлар очди.

Бу соҳаларнинг барчаси Ўзбекистон экспорт йўналишларини диверсификация қилаётган Шарқий Ўрта ер денгизи ва Кўрфаз араб давлатларидан кўпроқ сармоя жалб этаётган бир пайтда айниқса муҳимдир.

Барқарор, фаровон ва ўзаро боғланган Марказий Осиё ва Яқин Шарқ Европа учун ҳам муҳим, чунки бу минтақалар Европа хавфсизлиги ва фаровонлигига таъсир этувчи асосий қўшни минтақалардир.

Европа Иттифоқи ушбу минтақалар билан иқтисодий, савдо, транспорт ва халқлар ўртасидаги алоқаларни мустаҳкамлашга интилади. 2025 йил апрель ойида Самарқандда бўлиб ўтган "Европа Иттифоқи – Марказий Осиё" биринчи саммити икки минтақа ўртасида янгиланган стратегик ҳамкорликка асос солди. ЕИ ўзининг "Глобал дарвоза" стратегияси доирасида Марказий Осиё учун 12 миллиард евролик янги инвестиция пакетини эълон қилди, бунда транспорт, тоза энергия ва рақамли инфратузилма ва бошқа муҳим соҳаларга йўналтирилган.