ДУШАНБЕ, 13 июнь. /"Дунё" АА/. Тожикистон Миллий Фанлар академияси Фалсафа, сиёсатшунослик ва ҳуқуқ институти илмий ходими Виктор Ким "Дунё" АА учун интервьюсида Болгария Президенти Румен Радевнинг 9-11 июнь кунлари Ўзбекистонга амалга оширган ташрифи ҳақидаги фикрларини билдирди:

– Жорий йил Ўзбекистон учун муҳим халқаро ташрифлар ва муҳим халқаро воқеаларга бой. Шу муҳитда Ўзбекистон етакчисининг Европага, Европа давлатлари раҳбарларининг Ўзбекистонга ўзаро ташрифлари алоҳида ажралиб туради. Ўзбекистоннинг Европа ташаббуслари бутун Марказий Осиё минтақаси учун янги истиқболлар контекстида Янги Ўзбекистонни ривожлантириш ва қуриш истиқболларини сезиларли даражада кенгайтиради. Европа давлатлари, биринчи навбатда, Ўзбекистоннинг Европа ташаббуслари туфайли Марказий Осиёнинг барча мамлакатларига ҳозирданоқ катта эътибор ва қизиқиш билдирмоқда.

Болгария Президенти Румен Радевнинг 9-10 июнь кунлари Ўзбекистонга расмий ташрифи Ўзбекистоннинг Европа давлатлари билан алоқаларини кенгайтиришга қаратилган ташқи сиёсат стратегиясининг тўғрилигини ва Европа давлатларининг Марказий Осиё минтақасига қизиқишини тасдиқлайди. Бунда Ўзбекистон Европа давлатлари учун нафақат анъанавий меҳмондўстлик, балки ўзаро манфаатли савдо-иқтисодий ҳамкорликни ҳам намоён этиб, Марказий Осиёнинг "ишончли давлати" ролини ўйнайди.

Ўзбекистон ва Болгария ўртасидаги икки томонлама муносабатларни ривожлантириш салоҳияти ўзаро манфаатли шерикликни ривожлантириш учун кучли туртки кутиш босқичида. Бунинг тарихий асослари борки, халқлар ўртасидаги алоқалар Буюк ипак йўли даврида ҳам содир бўлган. Икки давлат ўртасида замонавий дипломатик муносабатлар 1992 йил 12 сентябрда ўрнатилган.

Сиёсий мулоқотнинг изчил ривожланиши икки давлат ўртасидаги икки томонлама муносабатларни барқарор давом эттириш имконини берди. Сўнгги йилларда эса муносабатлар ривожига сифат жиҳатидан янги тус бериши мумкин бўлган фаолликнинг янги динамикаси кузатилмоқда. Болгария Президенти Румен Радевнинг Ўзбекистонга расмий ташрифи икки давлат ўртасидаги муносабатлар ривожида янги саҳифа очмоқда.

Тошкентда бўлиб ўтган музокаралар якунлари бўйича Ўзбекистон Президенти Шавкат Мирзиёев ва Болгария Президенти Румен Радев икки томонлама ҳамкорликни кенгайтириш тўғрисида Қўшма декларацияни имзоладилар.

Болгария етакчисининг Ўзбекистонга ташрифи яқин келажакда Европа ва Марказий Осиё давлатлари ўртасидаги ҳамкорликнинг кенгайиши сифатида баҳолаш керак.