ТОШКЕНТ, 4 октябрь. /"Дунё" АА/. Шу йилнинг 15-16 октябрь кунлари Тошкент ва Хива шаҳарлари "Ислом – эзгулик ва тинчлик дини" мавзусида халқаро илмий-амалий конференция бўлиб ўтади, деб хабар қилмоқда "Дунё" АА мухбири.

 Ташкилотчилар маълумотига кўра, мазкур анжуманда исломшунос олимлар, соҳа мутахассислари, илмий тадқиқотчилар, юртимизнинг кўзга кўринган илм-фан арбоблари билан бир қаторда дунёнинг 30 га яқин мамлакатидан 80 дан ортиқ уламолар ўз маърузалари билан иштирок этиши кутилмоқда.

Конференция иши мусулмон мамлакатлари, АҚШ, Европа, Туркия ва бошқа давлатларнинг нуфузли нашрларида орқали кенг ёритиб борилади.