ТОШКЕНТ, 4 март. /"Дунё" АА/. Бугун Грузия Бош вазири Ираклий Кобахидзе расмий ташриф билан Ўзбекистонга келди, деб хабар қилмоқда "Дунё" АА мухбири.

"Тошкент халқаро аэропортида юқори мартабали меҳмонни Ўзбекистон Республикаси Бош вазири Абдулла Арипов ва бошқа расмийлар кутиб олди", – деб ёзди мамлакатимиз ҳукумати раҳбари матбуот котиби Бекзод Хидоятов ўзининг telegram-каналида.

Ташриф дастуридан қатор икки томонлама учрашувлар ва ҳукуматлараро қўшма комиссия йиғилишини ўтказиш, саноат корхоналари фаолияти билан танишиш ва бошқалар ўрин олгани ҳақида аввал хабар қилинган эди.