ДУШАНБЕ, 23 май. /"Дунё" АА/. Тожикистон Миллий Фанлар академияси Фалсафа, сиёсатшунослик ва ҳуқуқ институти илмий ходими Виктор Ким (Тожикистон) "Дунё" АА учун интервьюсида Ўзбекистон Президенти Шавкат Мирзиёевнинг 21-22 май кунлари Словенияга буюрган расмий ташрифи якунлари ҳақидаги фикрларини билдирди:

–Ўзбекистон етакчисининг Словенияга ташрифи республиканинг Европа Иттифоқи давлатлари билан муносабатларини кенгайтириш ва мустаҳкамлашга қаратилган конструктив ташқи сиёсати натижасидир. Шунингдек, ташриф Ўзбекистон-Словения дипломатик муносабатлари ўрнатилганининг 30 йиллиги нишонланаётган йилда бўлиб ўтгани ҳам муҳим аҳамиятга эга.

Ўзбекистон ва Словения ўртасидаги муносабатлар фаол ривожланишнинг дастлабки босқичида. Бироқ савдо-иқтисодий муносабатларни ривожлантириш ва чуқурлаштириш, шунингдек, гуманитар, маданий-маърифий ва бошқа соҳаларни кенгайтириш учун салмоқли салоҳиятга эга.

Ўзбекистоннинг ўзаро ишонч ва конструктив манфаатли ёндашувга асосланган ташқи сиёсатининг шаклланган амалиётини инобатга олган ҳолда, Президент Шавкат Мирзиёев ва Словения Президенти Наташа Пирц Мусарнинг Любляна шаҳрида бўлиб ўтган олий даражадаги учрашуви икки томонлама муносабатларда янги суръат ва уфқларни очишини олдиндан айтиш мумкин.