ЛОНДОН, 17 январь. /"Дунё" АА/. Ўзбекистон элчихонасида Британиянинг "Power Roll" компаниясининг ижрочи директори Нил Спэнн билан икки томонлама учрашув ўтказилди, деб хабар қилмоқда "Дунё" АА мухбири.

"Power Roll" компанияси Британияда 2011 йилда таъсис этилган бўлиб, компания қуёш модулларининг (қуёш панеллари) янги авлодини тижоратлаштириш ва глобал жорий етиш билан шуғулланади. Унинг қуёш модуллари (қуёш панеллари) енгил, икки томонлама қоплашга мўлжалланган "ноу-хау" плёнкалардан иборат.

Мулоқот давомида Нил Спэнн "Power Roll" компанияси ва унинг фаолияти билан батафсил таништирди ва ҳозирда компания томонидан Ўзбекистоннинг вазирлик ва идоралари, йирик бизнес субъектлари ҳамда тадбиркорлари билан қуёш модулларининг (қуёш панеллари) янги авлодини ишлаб чиқариш йўналишларида ҳамкорлик қилишга тайёрлигини айтиб ўтди.

Шунингдек, мазкур йўналишларда ҳамкорлик алоқаларини янада жадаллаштириш мақсадида келгусида икки томонлама учрашувлар ҳамда ташрифлар ишлаб чиқилишига келишиб олинди.