ТЕЛЬ-АВИВ, 28 апрель. /"Дунё" АА/. Ўзбекистон-Исроил савдо-инвестиция уйи президенти Наргиза Қодирова "Дунё" АА учун интервьюсида 23-24 апрель кунлари Зомин туманида бўлиб ўтган "Жиззах-2025" халқаро бизнес-форум ҳақидаги фикрларини билдирди:

– Биз ушбу форматдаги йирик тадбирда илк марта иштирок этдик ва у бизга катта тажриба бўлди. Бизнес-форумга еттита етакчи исроил компаниялари вакилларини олиб келдик. Бу эса Исроилда ушбу тадбирга қизиқиш юқори бўлганини тасдиқлайди. Умид қиламизки, кейинги форумларда янада кўпроқ Исроил компаниялари иштирок этади ва Ўзбекистон билан савдо-иқтисодий ҳам инвестициявий ҳамкорликка қизиқиш билдиради.

Форум доирасида Исроил компаниялари иштирокида турли соҳалар бўйича еттита истиқболли экспорт шартномалари имзоланди. Шунингдек, ушбу давлат вакилларига ўзбекистонлик тадбиркорлар билан тўғридан-тўғри алоқалар ўрнатиш, қишлоқ хўжалиги, технологиялар ва саноат соҳаларида истиқболли лойиҳаларни амалга ошириш имкониятларини муҳокама қилиш учун майдон яратилди.