ЛОНДОН, 13 август. /"Дунё" АА/. Британиянинг нуфузли "Financial Times" газетасида "Ўзбекистон ўзини юқори ўсиш салоҳиятига эга бозор сифатида кўрсатмоқда" сарлавҳаси мақола эълон қилинди, деб хабар қилмоқда "Дунё" АА мухбири.

"Ўзбекистон ҳали кўп инвесторлар харитасида бўлмаган бўлсада, 1,5 миллиард долларлик суверен евробондлар чиқарилиши, давлат активларини 1,7 миллиард долларга хусусийлаштириш режалари ва трансчегаравий финтех битими бу ўзгаришларга умид уйғотмоқда, – деб ёзган муаллиф. – Минтақадаги энг кўп аҳолига эга Марказий Осиё давлати аллақачон инвестиция файлида бир нечта йирик келишувлар бор".

Муаллиф таъкидига кўра, чегара бозорлари ривожланаётган, бозорлар тугайдиган жойда бошланади. Бу эса юқори ўсиш потенциалини, балки жиддий хавфларни ҳам таклиф қилади. Бундай мамлакатларда инвестициялар ҳажми ҳали ҳам кичик бўлиб, хориж капитали учун саноатни очиш кўпинча ҳали ҳам давом этмоқда. Бироқ, бундай бозорлар яқинда кучли кўрсаткичларни кўрсатди.

"2016 йилгача халқаро миқёсда яккаланиб қолган Ўзбекистон бугунги воқеликдан яхши хабардор. Президент Шавкат Мирзиёев вазиятни босқичма-босқич ўзгартирмоқда. У ислоҳотлар ўтказмоқда, валюта чекловларини олиб ташламоқда", – дея урғуланган мақолада.

Натижада, Ўзбекистондаги вазият сезиларли даражада яхшиланди. Тўғридан-тўғри хорижий инвестициялар кўпаймоқда, стартаплар пайдо бўлмоқда. Ўтган ой Click тўлов иловаси сармоядорлари ўз акцияларининг бир қисмини қозоғистонликларга тегишли маҳаллий банк акцияларига алмаштиришга рози бўлди.

Агар битим тартибга солувчи органлар томонидан тасдиқланса, Click иловаси самарали равишда жисмоний банк хизматига эга бўлади.

Таъкидланганидек, хусусийлаштириш режалари улкан. Узоқ муддатли мақсад иқтисодиётдаги хусусий секторнинг улушини ҳозирги тахминан 50 фоиздан 85 фоизга ошириш, 17 та давлат монополиясини ва бир қатор давлат корхоналарини тугатиш назарда тутилган.

"Бироқ, булар аста-секин содир бўлади. 1,7 миллиард долларлик активлар халқаро бозорларга чиқарилади Ўзбекистон Миллий инвестиция жамғармаси АҚШнинг "Franklin Templeton" компанияси томонидан бошқарилади ва у Руминиянинг "Fondul Proprietatea" компанияси намунаси бўлиб, сўнгги беш йил ичида қиймати икки баравар ошди.

Шунингдек, Лондонда облигациялар чиқарган дунёдаги тўртинчи йирик олтин ишлаб чиқарувчи "Навоий кон-металлургия комбинати" ва Олмалиқ мис заводининг илк муваффақиятлари янги IPOга йўл очмоқда. АҚШ давлат департаментига кўра, америкалик инвесторлар Ўзбекистонга тобора кўпроқ қизиқиш билдирмоқда.

Мақола якунида, "Ўзбекистон ўзгаришларни бошдан кечираётган давлат сифатида узоқ йўлни босиб ўтди", – деб ёзилган.