Ўзбекистон ташқи ишлар вазири Хорватия Бош вазири билан учрашди
Июнь 27, 2026. 13:40 • 2 дақ
• 75
ТОШКЕНТ, 27 июнь. /“Дунё” АА/. Ўзбекистон ташқи ишлар вазири Бахтиёр Саидов Хорватия Бош вазири Андрей Пленкович билан музокаралар ўтказди, деб хабар қилмоқда “Дунё” АА мухбири.
“Хорватия Республикаси Бош вазири Андрей Пленкович Жаноби Олийлари билан мазмунли учрашув ўтказишдан мамнунмиз, – деб ёзди Ўзбекистон ТИВ раҳбари ўзининг telegram-каналида. – Суҳбатимиз аввалида Ўзбекистон Республикаси Президенти Шавкат Мирзиёев Жаноби Олийларининг самимий саломи ва энг эзгу тилакларини етказдик.
Ўзбекистон ва Хорватия ўртасидаги муносабатларни сифат жиҳатидан янги босқичга олиб чиқиш масалаларини муҳокама қилдик. Сиёсий мулоқотни фаоллаштириш, савдо-иқтисодий ва инвестициявий ҳамкорликни кенгайтириш, транспорт-логистика соҳасидаги шерикликни ривожлантириш масалаларини муҳокама қилдик.
Шунингдек, минтақавий кун тартибидаги долзарб масалалар, халқаро ташкилотлар доирасидаги ҳамкорлик истиқболларини муҳокама қилдик.
Хорватия Раҳбариятининг Ўзбекистон билан муносабатларни ривожлантиришга қаратган қатъий интилишини юксак қадрлаймиз”.
“Дунё” АА олган сурат
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон ва Эрон ТИВ раҳбарлари ўзаро манфаатли йўналишлар бўйича яқин мулоқотни давом эттиришга келишиб олдилар
Ўзбекистон ташқи ишлар вазири Хорватияда бўлиб ўтган Дубровник форумида иштирок этди ва нутқ сўзлади
