ДЕҲЛИ, 16 май. /“Дунё” АА/. Ўзбекистон ва Ҳиндистон ўртасидаги сиёсий маслаҳатлашувлар доирасида Деҳли шаҳрида Ўзбекистон ташқи ишлар вазирининг биринчи ўринбосари Баҳромжон Аълоев Ҳиндистон соғлиқни сақлаш ва оила фаровонлиги вазири ўринбосари Пунья Салила Сривастава билан учрашув ўтказди, деб хабар бермоқда “Дунё” АА мухбири.

Музокаралар давомида соғлиқни сақлаш, тиббий таълим, илмий тадқиқотлар ва юқори технологияли хизматлар соҳаларидаги ҳамкорлик муносабатларини кенгайтириш масалалари муҳокама қилинди.

Шунингдек, тартибли тиббий туризм соҳасида ўзаро манфаатли ҳамкорликни ривожлантириш юзасидан атрофлича фикр алмашилди.