Ўзбекистон Президенти Хитой делегациясини қабул қилди
Сентябрь 25, 2026. 15:45 • 2 дақ
• 77
ТОШКЕНТ, 25 сентябрь. /“Дунё” АА/. Ўзбекистон Президенти Шавкат Мирзиёев бугун Хитой Халқаро маданий коммуникация маркази раиси Лонг Юйсян ва Гонконгнинг “JDB Group” компанияси асосчиси Чан Хунтони қабул қилди, деб хабар бермоқда “Дунё” АА мухбири.
Давлатимиз раҳбари матбуот хизмати маълумотига кўра, Ўзбекистон билан Хитой ўртасидаги барча шароитларда ҳар томонлама стратегик шериклик муносабатларини янада чуқурлаштириш ва маданий-гуманитар алоқаларни мустаҳкамлаш масалалари кўриб чиқилди.
Марказ мамлакатимизнинг Хитой билан кўп қиррали ҳамкорлигини мустаҳкамлашга катта ҳисса қўшиб келаётгани қайд этилди. Биргаликда инфратузилмани ривожлантириш, инвестициялар ва “яшил” саноат соҳаларида қатор лойиҳалар амалга оширилди.
“JDB Group” компаниясининг Ўзбекистондаги фаолиятининг устувор йўналишлари сифатида замонавий шаҳар, транспорт ва саноат инфратузилмасини ривожлантириш ҳамда геология соҳаси белгиланди.
Учрашув якунида мазкур компания иштирокида амалга оширилаётган ва янги лойиҳаларни жадаллаштириш юзасидан келишувга эришилди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон Президенти Қозоғистон Президентига Каспий денгизида ҳарбийларнинг ҳалок бўлгани муносабати билан ҳамдардлик йўллади
Ўзбекистон Президенти раислигида ўтган йиғилишда Андижонда иқтисодий ўсиш ва аҳоли фаровонлигини таъминлашнинг устувор вазифалари белгиланди
