Кўксарой қароргоҳида Германия Федерал президентини расмий кутиб олиш маросими бўлиб ўтди
Июнь 17, 2026. 18:35 • 48 сония
• 45
ТОШКЕНТ, 17 июнь. /“Дунё” АА/. Кўксарой қароргоҳида бугун Ўзбекистонга расмий ташриф билан келган Германия Федерал президенти Франк-Вальтер Штайнмайерни кутиб олиш маросими бўлди, деб хабар бермоқда “Дунё” АА мухбири.
Давлатимиз раҳбари матбуот хизмати маълумотига кўра, қароргоҳ олдидаги майдонда фахрий қоровул саф тортди. Ўзбекистон Президенти Шавкат Мирзиёев олий мартабали меҳмонни самимий қарши олиб, шоҳсупага таклиф этди.
Ўзбекистон ва Германия давлат мадҳиялари янгради. Етакчилар фахрий қоровул сафи олдидан ўтиб, расмий делегациялар аъзоларини бир-бирларига таништирдилар.
Маросим якунида биргаликда суратга тушилди, сўнг олий даражадаги музокаралар бошланди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон ва Германия етакчилари кўп қиррали шерикликни янада ривожлантиришга интилишларини тасдиқладилар
