ТОШКЕНТ, 6 май. /"Дунё" АА/. Хитойнинг Гуйчжоу провинциясида юз берган фожиа оқибатида кўплаб инсонлар ҳаётдан кўз юмгани ва жароҳат олгани муносабати билан Ўзбекистон Президенти Шавкат Мирзиёев Хитой Раиси Си Цзиньпинга таъзия йўллади, деб хабар қилмоқда "Дунё" АА мухбири.

Бу ҳақда давлатимиз раҳбарининг матбуот котиби Шерзод Асадов ўзининг telegram каналида ёзди.

"Давлатимиз раҳбари ҳалок бўлганларнинг оила аъзолари ва яқинларига ҳамдардлик билдирди, жабрланганлар тез орада соғайиб кетишини тилади", – дейилади хабарда