ТОШКЕНТ, 7 июнь. /"Дунё" АА/. Футбол ассоциациялари халқаро федерацияси (ФИФА) раҳбари Жанни Инфантино Ўзбекистон Президенти Шавкат Мирзиёевга мактуб йўллади, деб хабар қилмоқда "Дунё" АА мухбири давлатимиз раҳбарининг матбуот котиби Шерзод Асадовнинг telegram-каналидаги маълумотга таяниб.

"Кеча Ўзбекистон ўз тарихида илк бор ФИФА Жаҳон чемпионатига чиқиб, Осиёда биринчи бўлиб ЖЧ-2026 йўлланмасини қўлга киритган терма жамоалардан бирига айланди, – дейилади мактубда. – Бутун футбол жамоатчилиги номидан Сизни ва бутун Ўзбекистон халқини ушбу муносиб ва тарихий натижа билан табриклашга ижозат бергайсиз.

Бундай ажойиб ютуқ ушбу муваффақиятга алоқадор бўлган барчанинг биргаликдаги саъй-ҳаракатлари ва қатъий иродаси туфайли амалга ошди. Сизга, ҳукуматингизга, Ўзбекистон футбол ассоциациясига, футболчиларга, мураббийга, барча ходим ва раҳбарларга, шунингдек, албатта, қалби қайноқ мухлисларга самимий табрикларимни йўллайман.

Муҳтарам Президент, Сизга 2026 йилги ФИФА Жаҳон чемпионатида муваффақиятлар тилайман ҳамда Сиз, Жаноби Олийлари билан яна бир бор учрашиш имкониятини интиқлик билан кутаман".

Ўзбекистон Президенти матбуот хизмати архивидан олинган сурат