ВАРШАВА, 8 август. "Дунё" АА/. Мамлакатимиз элчихонаси кўмагида Ўзбекистон Давлат активларини бошқариш агентлиги директори ўринбосари Алишер Миралиев ва Польшанинг "Elzat" компанияси бошқарув раиси Агнешка Класа ўртасида видеоконференция шаклида учрашув ташкил этилди, деб хабар қилмоқда "Дунё" АА мухбири.

Онлайн мулоқотда, шунингдек, Ўзбекистон элчиси Амирсаид Агзамходжаев ва дипломатик ваколатхона ходимлари иштирок этишди.

Учрашув давомида Ўзбекистондаги хусусийлаштириш жараёнлари ҳақида батафсил сўзлаб берилди.

Томонлар "Elzat" компаниясининг мамлакатимиздаги хусусийлаштириш жараёнларида иштирок этиш имкониятларини муҳокама қилдилар.

Музокаралар якунида поляк компанияси делегациясининг Ўзбекистонга ишчи сафарини ташкил этиш тўғрисида келишиб олинди.

Польшанинг йирик "Elzat" компанияси "Voltex Group" таркибига киради. Компания электр тармоқлари ва қурилмаларини ривожлантириш учун инвестициявий ечимларини тақдим қилади.