ТОШКЕНТ, 18 октябрь. /“Дунё” АА/. Ўзбекистон Президенти Администрацияси раҳбари Саида Мирзиёева мамлакатимизга ташриф билан келган АҚШ Давлат котиби Марко Рубиони Самарқанд аэропортида кутиб олди, деб хабар қилмоқда “Дунё” АА мухбири.

“АҚШ Давлат котиби Марко Рубиони кўҳна ва навқирон Самарқанд заминида қутлашдан мамнунман, – деб ёзди Саида Мирзиёева ўзининг telegram-каналида. – Бу – унинг Марказий Осиёга илк ташрифи.

Олдинда “С5+1” форматидаги муҳим музокаралар, бизнес доиралари вакиллари билан учрашувлар ҳамда Америка–Ўзбекистон ишбилармонлик ва инвестиция кенгашининг навбатдаги йиғилиши кутмоқда.

Ўзбекистонга хуш келибсиз, жаноб Рубио!”

“Дунё” АА олган сурат