ВЛАДИВОСТОК, 28 июль. /“Дунё” АА/. Ўзбекистон Бош консулхонаси ходимлари ватандошларнинг ҳуқуқ ва манфаатларини ҳимоя қилиш, уларга зарур консуллик-ҳуқуқий хизматлар ҳамда миграция жараёнида юзага келадиган муаммоларни ҳал этишда амалий ёрдам кўрсатиш бўйича тизимли ишларни давом эттирмоқда, деб хабар бермоқда “Дунё” АА мухбири.

Жумладан, Владивостокда оғир моддий аҳволга тушиб қолган А.Л., унинг турмуш ўртоғи К.Б. ва уларнинг уч нафар вояга етмаган фарзанди 25 июль куни Ўзбекистон Миграция агентлиги жамғармаси маблағлари ҳисобидан Владивосток–Екатеринбург–Тошкент йўналишидаги рейс билан ватанга қайтарилди.