ТОШКЕНТ, 19 октябрь. /“Дунё” АА/. Ўзбекистон ташқи ишлар вазири Бахтиёр Саидов ва АҚШ давлат котиби Марко Рубио бугун Самарқандда “Артемида битими”ни имзолади, деб хабар бермоқда “Дунё” АА мухбири.

“Икки томонлама музокаралардан сўнг АҚШ Давлат котиби Марко Рубио билан Ой, Марс, кометалар ва астероидлардан тинчлик мақсадларида фойдаланиш ҳамда уларни тадқиқ этиш бўйича ҳамкорлик тамойилларини белгиловчи Артемида битимларини имзоладик, – деб ёзди Бахтиёр Саидов ўзининг telegram-каналида. – Мазкур ҳужжат Ўзбекистоннинг НАСА ва бошқа иштирокчи давлатлар космик агентликлари билан ҳамкорлигини кенгайтириш, миллий кадрларни тайёрлаш ҳамда космик технологиялар трансфери учун янги имкониятлар яратади.

Ўзбекистон Артемида битимларини имзолаган 77-давлат бўлди”.

“Дунё” АА сурати