O‘zbekiston va Qirg‘iziston ittifoqchiligi Rossiya ommaviy axborot vositalari diqqat markazida
Iyul 31, 2026. 13:30 • 2 daq
• 98
MOSKVA, 31-iyul. /“Dunyo” AA/. Rossiya OAV O‘zbekiston Prezidenti Shavkat Mirziyoyevning Qirg‘izistonga davlat tashrifiga katta eʼtibor qaratib, Ittifoqchilik munosabatlari to‘g‘risidagi tarixiy shartnomaning imzolangan haqida yozmoqda, deb xabar bermoqda “Dunyo” AA muxbiri.
Xususan, “TASS” axborot agentligi va “MIR24.TV” davlatlararo telekanali O‘zbekiston va Qirg‘iziston o‘rtasida Ittifoqchilik munosabatlari to‘g‘risidagi shartnomaning imzolanishini bosh voqea sifatida eʼtirof etib, ushbu hujjat ikki tomonlama hamkorlikni sifat jihatidan yangi bosqichga olib chiqishini qayd etadi.
“Moskovskiy komsomoles” gazetasi va boshqa OAV O‘zbekiston Prezidentining Qirg‘izistonning oliy davlat mukofoti — I darajali “Manas” ordeni bilan taqdirlangani haqida batafsil yozib, bu Prezident Shavkat Mirziyoyevning o‘zbek-qirg‘iz munosabatlarini mustahkamlashga qo‘shgan shaxsiy hissasining eʼtirofi ekanini taʼkidlaydi.
O‘z navbatida, “Ritm Yevrazii” axborot-tahliliy nashri chegara masalalarini tartibga solishning yakunlangani hamda transport infratuzilmasini rivojlantirish va qo‘shma iqtisodiy loyihalarni amalga oshirilayotganiga alohida eʼtibor qaratib, ularning Markaziy Osiyoda barqarorlik va xavfsizlikni mustahkamlashdagi ahamiyatini qayd etadi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
“Avesta” AA: O‘zbekiston va Qirg‘iziston o‘rtasidagi hamkorlik strategik sheriklik darajasiga ko‘tarilmoqda
