Girts Yaunzems: O‘zbekistonda shunchaki iqtisodiy o‘sish emas, balki haqiqiy iqtisodiy o‘sish ro‘y bermoqda
Avgust 29, 2026. 16:39 • 2 daq
• 15
TOSHKENT, 29-avgust. /“Dunyo” AA/. Mamlakatimiz mustaqilligining 35 yilligiga bag‘ishlangan tantanalarda ishtirok etgan Latviya elchisi Girts Yaunzems “Dunyo” AA orqali O‘zbekiston xalqini ayyom bilan qutladi:
– Bilasizmi, menga O‘zbekiston Prezidentining nutqi juda yoqdi. O‘ylaymanki, bugun mamlakat uchun ko‘plab xushxabarlar yangradi.
Xususan, yaqin yillarda turli sohada bir million nafar yuqori malakali mutaxassis tayyorlash, 450 milliard dollar sarmoya jalb etish, yalpi ichki mahsulot hajmini 300 milliard dollarga, aholi jon boshiga to‘g‘ri keladigan daromadni esa 10 ming dollarga yetkazish haqida so‘z yuritildi.
Bu raqamlar O‘zbekistonda shunchaki iqtisodiy o‘sish emas, balki haqiqiy iqtisodiy o‘sish yuz berayotganidan dalolat beradi. Bu, albatta, juda quvonarli hol.
Bunday yangiliklar, yorqin va mazmunli tadbirdan so‘ng kishilar o‘zlarini yanada baxtli his qiladi. Odamlar qanchalik baxtli bo‘lsa, o‘z sevimli ishi bilan shunchalik faol shug‘ullanadi. Demak, barcha ishlar yana-da yaxshilanib boraveradi.
O‘zbekiston xalqini bayram bilan tabriklayman!
Kelgusi yilda yanada ko‘proq xushxabarlar, yutuqlar va hayratlanarli raqamlar bo‘lishini tilab qolaman.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Sabine Maxl: O‘zbekiston BMTning muhim aʼzosi va mamlakat tashabbuslarini doim qo‘llab-quvvatlaymiz
O‘zbekiston Islom sivilizatsiyasi markazi noyob Qurʼoni karim nusxasini yaratish bo‘yicha jahon xattotlar tanlovini eʼlon qildi
