O‘zbekiston Prezidenti Sankt-Peterburg shahri bilan o‘zaro manfaatli sheriklikni kengaytirish muhimligini taʼkidladi
Iyul 24, 2026. 19:15 • 52 soniya
• 28
TOSHKENT, 24-iyul. /“Dunyo” AA/. O‘zbekiston Prezidenti Shavkat Mirziyoyev bugun Sankt-Peterburg shahri gubernatori Aleksandr Beglov bilan telefon orqali muloqot qildi, deb xabar bermoqda “Dunyo” AA muxbiri.
Davlatimiz rahbari matbuot xizmati maʼlumotiga ko‘ra, Aleksandr Beglov O‘zbekiston Prezidentini tavallud kuni bilan samimiy tabriklab, unga mustahkam sog‘liq, baxt-saodat va katta muvaffaqiyatlar tiladi.
Suhbat chog‘ida O‘zbekiston hududlarining Sankt-Peterburg shahri bilan ikki tomonlama amaliy hamkorligini yanada kengaytirish masalalari ko‘rib chiqildi.
“Yo‘l xaritasi” asosida o‘zaro tovar ayirboshlash hajmini oshirish, yangi kooperatsiya loyihalarini ilgari surish hamda faol madaniy-gumanitar almashinuvni davom ettirishga qaratilgan qo‘shma choralar ko‘rishga alohida eʼtibor qaratildi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Qozog‘istonning birinchi Prezidenti O‘zbekiston yetakchisini tavallud kuni bilan tabrikladi
