Xorazm viloyati hokimligi va Qozog‘istonning Mang‘istau viloyati hokimiyati o‘zaro savdo uylarini ochish masalalarini muhokama qilmoqda
Sentabr 18, 2026. 14:00 • 56 soniya
• 93
OQTOV, 18-sentabr. /“Dunyo” AA/. Xorazm viloyati hokimi o‘rinbosari Alisher Doschanov va Qozog‘istonning Mang‘istau viloyati hokimi o‘rinbosari Malik Abdikadirov onlayn-uchrashuv o‘tkazdilar, deb xabar bermoqda “Dunyo” AA muxbiri.
Muzokaralar chog‘ida tomonlar Mang‘istau viloyatida O‘zbekistonning eksport mahsulotlari uchun Savdo uyini ochish hamda qozog‘istonlik tadbirkorlar va savdo tarmoqlari bilan hamkorlikni rivojlantirish masalalarini muhokama qildilar.
O‘z navbatida, Mang‘istau viloyati vakillariga Xorazmda o‘z Savdo uyini ochish va o‘zaro manfaatli hamkorlikni kengaytirish imkoniyatini ko‘rib chiqish taklif etildi.
Uchrashuv yakunlari bo‘yicha tomonlar ikki hududiy maʼmuriyat o‘rtasida doimiy aloqalarni yo‘lga qo‘yish hamda joriy yilning oktyabr oyida Xorazm viloyati delegatsiyasining Mang‘istauga tashrifini tashkil etishga kelishib oldilar.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Buyuk Britaniyada islom moliyasi sohasida O‘zbekiston biznes missiyasi tashkil etildi
Toshkentda “Markaziy Osiyo – Buyuk Britaniya” tahlil markazlari forumi o‘tkazildi
Samarqandda fuqarolik jamiyatini rivojlantirish masalalari bo‘yicha 17 mamlakat ekspertlari jam bo‘ldi
Londonda O‘zbekiston va Britaniya o‘rtasida madaniyat sohasidagi yangi qo‘shma loyihalar muhokama qilindi
