AL-KUVAYT, 24-sentabr. /"Dunyo" AA/. O'zbekistondan Kuvaytga umumiy vazni 1,2 tonna bo'lgan qishloq xo'jaligi mahsulotlari eksport qilindi, deb xabar qilmoqda "Dunyo" AA muxbiri.

Yurtimizdan eksport qilingan mahsulotlar tarkibidan qovun, shaftoli nok, uzum kabi mevalar o'rin oldi. O'zbekistonda yetishtirilgan mahsulotlar sotuvi Buxoro tumanidagi "National Agroforte" va Kuvaytning "Star Fruit Co." kompaniyasi o'rtasida erishilgan kelishuv doirasida amalga oshirildi.

O'zbekiston elchixonasi tashabbusi bilan yurtimizda yetishtirilgan va ishlab chiqarilgan mahsulotlarning Kuvaytga eksport hajmini oshirish maqsadida 30-sentabr kuni Sirdaryo, Jizzax, Farg'ona, Samarqand, Toshkent viloyatlari, va Qoraqalpog'iston Respublikasidagi yetakchi eksportyor kompaniyalar uchun Al-Kuvayt shahrida "Ochiq eshiklar kuni" tashkil etilyapti.

Uch kun davom etadigan tadbirda kuvaytlik tadbirkorlar ishtirokida B2B shaklidagi uchrashuvlar tashkil etilishi rejalashtirilgan.