O'zbekiston elchixonasi ko'magida mamlakatimizda yetishtirilgan 2,5 tonna meva va poliz mahsulotlari Kuvaytga eksport qilindi
Iyul 07, 2025. 13:19 • 31 soniya
• 87
AL-KUVAYT, 7-iyul. /"Dunyo" AA/. O'zbekiston elchixonasi say'-harakatlari bilan Buxoro viloyatida yetishtirilgan yangi mevalar va poliz mahsulotlarining navbatdagi partiyasi Kuvaytga eksport qilindi, deb xabar qilmoqda "Dunyo" AA muxbiri.
Jumladan, Buxoro tumanidagi "National Agroforte" va Kuvaytning "Star Fruit Co." kompaniyalari o'rtasida tuzilgan shartnomaga binoan O'zbekistondan ushbu davlatga 1,2 tonna miqdorida shaftoli, olxo'ri, o'rik, tarvuz, qovun va boshqa mahsulotlar yetkazib berildi.
"National Agroforte" kompaniyasi, shuningdek, Kuvaytning "Suma Fruits International Co." tashkilotiga 1,3 tonna miqdoridagi ho'l mevalarni sotdi.
Ta'kidlash joizki, joriy yil iyul oyi boshidan buyon O'zbekistondan Kuvaytga 2,5 tonna ho'l meva va poliz mahsulotlari eksport qilindi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Kuvaytda o‘zbek mahsulotlari ko‘rgazmasi tashkil etildi
Kuvayt bozorlariga o‘zbek mahsulotlari eksporti oshiriladi
AQShning eng yirik savdo tarmoqlarida o‘zbek oziq-ovqat mahsulotlari sotiladi
