TOSHKENT, 19-may. /"Dunyo" AA/. Bugun Toshkent shahrida O'zbekiston tashqi ishlar vazirining birinchi o'rinbosari Bahromjon A'loyev va Fransiya Yevropa va tashqi ishlar vazirligi bosh kotibi Ann-Mari Deko o'rtasida uchrashuv bo'lib o'tdi, deb xabar qilmoqda "Dunyo" AA muxbiri.

TIV ma'lumotiga ko'ra, O'zbekiston-Fransiya hamkorligining dolzarb masalalari, jumladan, O'zbekiston Prezidentining Fransiyaga davlat tashrifi chog'ida erishilgan kelishuvlarni amalga oshirish jarayoni muhokama qilindi.

Savdo-iqtisodiy aloqalar, energetika, transport, strategik mineral resurslar va qayta tiklanadigan energetika sohalaridagi investitsiya loyihalariga alohida e'tibor qaratilmoqda. Ta'lim, sog'liqni saqlash, madaniyat va turizm sohalarida gumanitar hamkorlik istiqbollari muhokama qilindi.

"Dunyo" AA olgan surat