TOSHKENT, 17-noyabr. /"Dunyo" AA/. O'zbekiston tashqi ishlar vaziri o'rinbosari Muzaffar Madrahimov Latviyaning O'zbekistondagi elchisi Girts Yaunzems bilan uchrashdi, deb xabar bermoqda "Dunyo" AA muxbiri.

TIV ma'lumotiga ko'ra, muloqot davomida siyosiy, iqtisodiy hamda madaniy-gumanitar yo'nalishlarda O'zbekiston–Latviya hamkorligining joriy holati va istiqbollari ko'rib chiqildi, 2026-yilga mo'ljallangan rejalar muhokama qilindi.

Uchrashuv yakunida TIVning tegishli bo'linmalari o'rtasida siyosiy va konsullik masalalari bo'yicha maslahatlashuv, savdo-iqtisodiy hamkorlik bo'yicha Qo'shma hukumatlararo komissiyaning navbatdagi yig'ilishi hamda xalqaro avtomobil tashuvlari bo'yicha Qo'shma komissiya majlisini o'tkazish yuzasidan kelishuvlarga erishildi.