TOSHKENT, 17-aprel. /"Dunyo" AA/. 15-aprel kuni O'zbekiston tashqi ishlar vaziri maslahatchisi Munira Aminova Al-Kuvayt shahrida "Shayx Abdulla an-Nuriy" xayriya tashkiloti menejeri Abdullatif az Zafiriy bilan uchrashdi, deb xabar qilmoqda "Dunyo" AA muxbiri.

TIV ma'lumotiga ko'ra, tomonlar 2025-yil 28-apreldan 6-mayga qadar Qoraqalpog'istonga tashrif buyurishni rejalashtirayotgan "Al-Amal" xalqaro jarrohlik guruhining (HOPE) insonparvarlik missiyasiga tayyorgarlikni muhokama qildilar.

Shuningdek, O'zbekistondagi istiqbolli loyihalar, jumladan, Toshkent shahrida yetim bolalar uchun maktab yoki qariyalar shifoxonasi qurish, zarur ijtimoiy infratuzilmaga ega "kichik qishloq" namunasini yaratish masalalari muhokama qilindi.

Abdullatif az Zafiriy ikki davlat o'rtasida ijtimoiy loyihalar sohasida faol hamkorlikni davom ettirishga tayyorligini tasdiqladi.