ASHXOBOD, 25-aprel. /"Dunyo" AA/. Turkmanistonning  "News Central Asia" axborot agentligi bosh muharriri Tarik Saidi "Dunyo" AA uchun intervyusida Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedovning 23-24-aprel kunlari Samarqand shahriga buyurgan tashrif haqidagi fikrlarini bildirdi:

– Tashrif davomida bo'lib o'tgan oliy darajadagi muzokaralar chog'ida yetakchilar ikki tomonlama sheriklikning barcha spektrlarini ko'rib chiqadilar. Shuningdek, mintaqaviy va xalqaro darajadagi tomonlarni qiziqtirgan muhim masalalarni muhokama qiladilar.

Biz tashrifni Turkmaniston, O'zbekiston va Markaziy Osiyo nuqtai nazaridan o'ziga xos mintaqa sifatida ko'ramiz. Turkman xalqining milliy yetakchisining mintaqa mamlakatlariga tashrifi Qozog'istondan boshlandi. Shundan so'ng, Qirg'iziston va O'zbekistonga tashrif buyurdi.

Turkmaniston uchun ham ushbu tashrif muhim ijtimoiy va ma'naviy ahamiyatga ega. O'zbekiston nuqtai nazaridan, bu ikki davlat o'rtasidagi ko'p asrlik qardoshlikni o'z ichiga olgan munosabatlarga yangi sur'at qo'shadi.

Shuningdek, mazkur tashrif natijalari Markaziy Osiyo mamlakatlari rahbarlari hamfikr ekanini, mintaqa nafaqat o'z birligini saqlab qolishga, balki global jarayonlarda faol ishtirok etishga qodir va tayyor ekanini ko'rsatadi.