TOSHKENT, 6-dekabr. /“Dunyo”AA/. Joriy yilning 4 dekabr kuni O‘zbekiston tashqi ishlar vaziri o‘rinbosari Bobur Usmanov Yaponiya elchisi Kenji Hirata bilan uchrashuv o‘tkazdi, deb xabar qilmoqda “Dunyo” AA muxbiri.

TIV maʼlumotiga ko‘ra, yapon diplomati lavozimiga rasman kirishishi munosabati bilan yo‘llangan tabriklar uchun minnatdorlik bildirib, O‘zbekiston va Yaponiya o‘rtasidagi strategik sheriklikni mustahkamlash, savdo, investitsiyalar, energetika, infratuzilma, taʼlim va madaniyat sohalarida hamkorlikni har tomonlama kengaytirish yo‘lida saʼy-harakatlarini davom ettirishga tayyor ekanini taʼkidladi.

Uchrashuv chog‘ida tomonlar O‘zbekiston–Yaponiya hamkorligining joriy kun tartibidagi dolzarb masalalarini, shuningdek, yaqin istiqbolda rejalashtirilgan ikki tomonlama va ko‘p tomonlama qo‘shma tadbirlar jadvalini muhokama qildilar.

“Dunyo” AA olgan rasm