O'zbekiston Prezidenti Xitoy milliy yadro korporatsiyasi raisi bilan mamlakatimizda istiqbolli loyihalarni amalga oshirish masalalarini muhokama qildi
Sentabr 02, 2025. 17:01 • 43 soniya
• 43
TOSHKENT, 2-sentabr. /"Dunyo" AA/. O'zbekiston Prezidenti Shavkat Mirziyoyevning Pekin shahriga tashrifi doirasidagi ishbilarmonlik uchrashuvlarining navbatdagisi "China National Nuclear Corporation" (CNNC) raisi Shen Yanfen bilan bo'ldi, deb xabar qilmoqda "Dunyo" AA muxbiri.
Davlatimiz rahbari matbuot xizmati ma'lumotiga ko'ra, Xitoy milliy yadro korporatsiyasi fuqarolik yadro dasturlari sohasidagi eng yirik davlat korxonasidir. Kompaniya uranni qidirish va boyitishdan tortib, Xitoy va xorijda atom elektr stansiyalarini qurishgacha bo'lgan loyihalarning to'liq zanjirini amalga oshiradi.
Uchrashuv avvalida davlatimiz rahbari "CNNC" raisi va jamoasini Xitoy atom sanoatining 70 yilligi bilan qutladi.
Muloqot davomida O'zbekistonda istiqbolli loyihalarni amalga oshirish masalalari muhokama qilindi.
Xitoy kompaniyasining zamonaviy texnologiyalar transferi va uran konlarini o'zlashtirishdagi ishtiroki, istiqbolli maydonlarda geologiya-qidiruv ishlarini olib borish, shuningdek, tinch atom sohasida kooperatsiyani kengaytirish masalalariga alohida e'tibor qaratildi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O'zbekiston Prezidentining Turkmanistonga amaliy tashrifi yakunlandi
O‘zbekiston Prezidenti 18-20-dekabr kunlari rasmiy tashrif bilan Yaponiyada bo‘ladi