TOSHKENT, 30-may. /"Dunyo" AA/. Bugun O'zbekiston Prezidenti Shavkat Mirziyoyevning Qozog'iston amaliy tashrifi yakunlandi, deb xabar qilmoqda "Dunyo" AA muxbiri.

Davlatimiz rahbari matbuot xizmati ma'lumotiga ko'ra, 30-may kuni "Markaziy Osiyo - Italiya" sammiti doirasida bo'lib o'tgan tadbirlarda Prezidentimiz mintaqa mamlakatlari va Italiya o'rtasidagi ko'p qirrali amaliy hamkorlikni yanada kengaytirish bo'yicha muhim taklif va tashabbuslarni ilgari surdi. Tadbir yakunida Qo'shma bayonot qabul qilindi.

Aeroportda davlatimiz rahbarini Qozog'iston Respublikasi Bosh vaziri o'rinbosari – milliy iqtisodiyot vaziri Serik Jumangarin va boshqa rasmiy shaxslar kuzatib qo'ydi. Prezidentimiz Toshkentga jo'nab ketdi.