SAMARQAND, 14-fevral. /"Dunyo" AA/. Kecha umumiy qiymati 11 million yevroga teng bo'lgan «Markaziy Osiyoda yagona salomatlik» tashabbusining taqdimoti bo'lib o'tdi, deb xabar bermoqda "Dunyo" AA muxbiri.

Bu haqda Yovvoyi hayvonlarning ko'chib yuruvchi turlarini saqlab qolishga doir konvensiya (CMS COP14) ishtirokchilari konferensiyasining 14-yig'ilishi chog'ida e'lon qilindi.

Ushbu tashabbus Xalqaro tabiatni muhofaza qilish ittifoqi bilan hamkorlikda amalga oshiriladi.

Shuningdek, taqdimotda Markaziy Osiyoning 5 ta davlati landshaftlarining umumiy barqarorligini oshirish orqali mintaqada zoonoz kasalliklar xavfini kamaytirish bo'yicha qat'iy majburiyatlar e'lon qilindi.