OLMAOTA, 9-aprel. /"Dunyo" AA/. Qozog'istonning Olmaota shahrida ota-ona qaramog'isiz qolgan 6-17 yosh oralig'idagi 9 nafar hamyurtimiz O'zbekistonga qaytarildi, deb xabar qilmoqda "Dunyo" AA muxbiri.

Mamlakatimiz Bosh konsulxonasi xodimlari Qiyin hayotiy vaziyatda bo'lgan bolalarni qo'llab-quvvatlash markazi va Olmaota shahar ta'lim boshqarmasi vakillari bilan birgalikda voyaga etmagan bolalarni O'zbekistonga qaytishi uchun barcha zarur bo'lgan hujjatlarni rasmiylashtirdilar.

Bolalar yaqin qarindoshlariga topshirilishi uchun O'zbekiston Ichki ishlar vazirligi Huquqbuzarliklar profilaktikasi bosh boshqarmasi xodimlariga topshirildi.