O'zbekiston elchisi Yaponiya mudofaa vazirining o'rinbosari bilan hamkorlik istiqbollarini muhokama qildi
May 15, 2025. 15:51 • 33 soniya
• 132
TOKIO, 15-may. /"Dunyo" AA/. O'zbekiston elchisi Muhsinxo'ja Abdurahmonov Yaponiya mudofaa vazirining o'rinbosari Taro Xonda bilan uchrashdi, deb xabar qilmoqda "Dunyo" AA muxbiri.
Muloqot chog'ida O'zbekiston va Yaponiya o'rtasida mudofaa sohasidagi hamkorlikni yana-da kengaytirish masalalari muhokama qilindi.
Suhbatdoshlar O'zbekiston Prezidenti Shavkat Mirziyoyevning 2019-yil dekabr oyida Yaponiyaga oliy darajadagi tashrifi doirasida erishilgan kelishuvlar hamda imzolangan hujjatlar ikki davlat mudofaa idoralari hamkorligini rivojlantirishda mustahkam poydevor bo'lganligini ta'kidladilar.
Muzokaralar davomida O'zbekiston va Yaponiya Mudofaa vazirliklari o'rtasida kiberxavfsizlik, IT va boshqa o'zaro manfaatli yo'nalishlarda aloqalarni jadallashtirishga kelishildi.
Shuningdek, ikki tomonlama hamkorlikni rivojlantirish maqsadida doimiy aloqalarni davom ettirish taklifi qo'llab-quvvatlandi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Pokistonning markaziy telekanallari bilan hamkorlik yo‘lga qo‘yiladi
O‘zbekistonning yangi elchisi Rim Papasiga ishonch yorliqlarini topshirdi
Britaniyaning nufuzli nashriyot uyi bilan hamkorlik o‘rnatiladi
Ekspertlar o‘zbek–xitoy munosabatlari istiqboli xususida fikr almashdi
