BELGRAD, 10-iyul. /"Dunyo" AA/. O'zbekiston elchisi (qarorgohi Budapesht shahrida joylashgan) Oybek Shaxavdinov Serbiya Bosh vaziri Devoni rahbari Milosh Andich bilan uchrashdi, deb xabar qilmoqda "Dunyo" AA muxbiri.

Suhbat chog'ida O'zbekiston–Serbiya hamkorligini yana-da rivojlantirish va turli darajalarda erishilgan kelishuvlarni amaliy amalga oshirish masalalari ko'rib chiqildi.

Shartnomaviy-huquqiy bazani kengaytirish, ikki davlat o'rtasida viza tartibini soddalashtirish masalalariga alohida e'tibor qaratildi.

Tomonlar o'zaro qadamlarni muvofiqlashtirish va bo'lajak ikki tomonlama tadbirlarni mazmun boyitish maqsadida tegishli idoralar orqali ishchi muloqotni davom ettirishga kelishib oldilar.