TOSHKENT, 3-dekabr. / “Dunyo” AA/. O‘zbekiston tashqi ishlar vaziri Baxtiyor Saidov Avstriyaga tashrifi doirasida kecha Quyi Avstriya federal o‘lkasi gubernatori Yoxanna Mikl-Laytner bilan uchrashdi, deb xabar bermoqda “Dunyo” AA muxbiri.

“Quyi Avstriya gubernatori Yoxanna Mikl-Laytner bilan samarali uchrashuv o‘tkazdik, – yozdi O‘zbekiston TIV vaziri o‘zining telegram-kanalida. – Aloqalarimizni yanada mustahkamlash, qo‘shma loyihalarni qo‘llab-quvvatlash hamda ishbilarmon doiralar va taʼlim muassasalari o‘rtasida yaqin hamkorlikni rivojlantirish borasida fikr almashdik.

Har ikki tomon uchun amaliy foyda keltirishga qaratilgan yangi loyihalarni ishlab chiqishga kelishdik”.