TOSHKENT, 27-noyabr. /IA "Dunyo"/. O'zbekiston tashqi ishlar vaziri Baxtiyor Saidov bugun Albaniyaning yangi tayinlangan elchisi Gentz Petsanining ishonch yorliqlarini qabul qildi, deb xabar qilmoqda "Dunyo" AA muxbiri.

"Suhbatimiz o'zaro savdo, investitsiyalar, turizm, ta'lim va madaniy almashinuv sohalarida hamkorlikni kengaytirishga qaratildi, – deb yozdi O'zbekiston TIV rahbari o'zining  telegram-kanalida. - Shuningdek, mamlakatlarimiz o'rtasidagi siyosiy muloqotni mustahkamlash hamda ikki tomonlama sheriklikni yana-da chuqurlashtirishga xizmat qiladigan yangi tashabbuslarni qo'llab-quvvatlash borasida umumiy intilishlarimizni ifoda etdik".