ТОШКЕНТ, 21 октябрь. /"Дунё" АА/. Япония парламенти яқинда ҳукмрон Либерал-демократик партия раҳбари сифатида сайланган Санаэ Такаитини мамлакатнинг янги Бош вазири этиб тасдиқлади, деб хабар қилмоқда "Дунё" АА мухбири.

 "РИА Новости" маълумотига кўра, унинг номзодини депутатларнинг аксарияти қўллаб-қувватлади. Шу тариқа, Санаэ Такаити Япония тарихида бу лавозимни эгаллаган биринчи аёл бўлди.

 Унинг энг муҳим вазифаларидан бири янги вазирлар маҳкамасини шакллантиришдир. Санаэ Такаитининг таъкидлашича, у мамлакат олдида турган иқтисодий инқироз, кадрлар етишмовчилиги, сиёсий ишончни тиклаш каби устувор масалаларни ҳал қилишга эътибор қаратади.

Санаэ Такаичи 1961 йилда Нара шаҳрида туғилган. Сиёсатчи Кобе университети ҳамда Матсушита давлат бошқаруви ва менежмент институтини тамомлаган. 1993 йилда у мустақил номзод сифатида вакиллар палатасига сайланган. 1996 йилда Либерал-демократик партияга қўшилди. 2025 йилнинг 4 октябрь куни эса ушбу партия раислигига сайланди.