Ўзбекистон Вануату билан дипломатик муносабатлар ўрнатди
Сентябрь 24, 2026. 10:00 • 59 сония
• 257
НЬЮ-ЙОРК, 24 сентябрь. /“Дунё” АА/. 2026 йил 22 сентябрь куни Нью-Йорк шаҳрида Ўзбекистон ва Вануату Республикалари ўртасида дипломатик муносабатлар ўрнатиш тўғрисида Қўшма коммюнике имзоланди, деб хабар бермоқда “Дунё” АА мухбири.
Икки давлат ҳукуматлари номидан мазкур ҳужжатни Ўзбекистоннинг БМТ ҳузуридаги доимий вакили Улуғбек Лапасов ва Вануатунинг БМТ ҳузуридаги миссияси раҳбари Одо Теви имзолади.
Суҳбат давомида мамлакатлар ўртасида халқаро ташкилотлар, жумладан, БМТ ва унинг ихтисослаштирилган муассасалари доирасида яқин ҳамкорликни мустаҳкамлаш муҳимлиги таъкидланди.
Мазкур ҳужжатнинг имзоланиши Ўзбекистоннинг Тинч океани минтақаси давлатлари билан дипломатик ҳамкорлигини кенгайтириш йўлидаги навбатдаги қадам бўлди.
Эслатиб ўтамиз, 2026 йил 22 апрель куни мамлакатимизнинг Нью-Йорк шаҳридаги БМТ ҳузуридаги Доимий ваколатхонасида Ўзбекистон ва Гвинея-Бисау ўртасида дипломатик муносабатлар ўрнатиш тўғрисида Қўшма коммюнике имзоланган.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Саида Мирзиёева: Ўзбекистон ишонч ва ўзаро ҳурматга асосланган келажакни барпо этиш йўлида муносиб ҳисса қўшишга доимо тайёр
Ўзбекистон Президенти Администрацияси раҳбари Нью-Йоркда БМТ Бош Ассамблеясининг 81-сессиясида иштирок этмоқда
